KIOSH 2025: ЕҢБЕК ҚОРҒАУ ЖӘНЕ ӨНЕРКӘСІПТІК ҚАУІПСІЗДІКТІҢ БОЛАШАҒЫ – ЖАҢА СЫН-ТЕГЕУРІНДЕР, ШЕШІМДЕР ЖӘНЕ ТЕХНОЛОГИЯЛАР
2025 ЖЫЛҒЫ 28-30 МАМЫР АРАЛЫҒЫНДА EXPO ХАЛЫҚАРАЛЫҚ КӨРМЕ ОРТАЛЫҒЫНДА 13-ШІ ЕҢБЕК ҚОРҒАУ ЖӘНЕ ӨНЕРКӘСІПТІК ҚАУІПСІЗДІК ЖӨНІНДЕГІ – KIOSH 2025 КОНФЕРЕНЦИЯ МЕН КӨРМЕCІ ӨТЕДІ.
Бұл маңызды салалық шара еңбек қауіпсіздігін қамтамасыз ету мәселелерін талқылау және шешімдер іздеу үшін саланың жетекші мамандарын, мемлекеттік органдардың өкілдерін, бизнес және халықаралық ұйымдарды тағы да бір алаңға жинайды.
2025 экспозициясы
Көрме бөлігі түрлі тақырыптық бөлімдерді қамтып, Қазақстан, Германия, АҚШ, Ресей және Қытайдан 30-дан астам компаниялардың қатысуымен ұсынылады. Бөлімдер арасында еңбек қорғау және өндірістік қауіпсіздік саласындағы инновациялық шешімдер, тоқыма өнеркәсібі мен арнайы аяқ киім өндірісіндегі озық технологиялар, заманауи жеке қорғау құралдары, еңбек гигиенасы мен денсаулық сақтау, өрт қауіпсіздігі және төтенше жағдайларға әрекет ету жүйелері болады. Ерекше назар оқу мен ғылымға, экологиялық қауіпсіздікке, медициналық тексерулер жүйесіне, автопаркті басқаруға, сондай-ақ бағдарламалық қамтамасыз ету мен IT қауіпсіздігіне бөлінеді.
Алғаш рет KIOSH 2025 көрмесіне қатысатын компаниялар: Treagra Safety, TSN group, HAIX, TST GROUP KZ, О2 зауыты, NEWTECH SYSTEMS GROUP, EYEVEX SAFETY және Линия одежды. Олардың көрмеге қатысуы еңбек қорғау және өндірістік қауіпсіздік мәселелеріне жаңа ойыншылардың нарықтағы қызығушылығының артқанын көрсететін маңызды оқиға болмақ.
KIOSH 2025 конференциясы
Үш күн бойы KIOSH конференциясы сарапшылар арасында тәжірибе мен білім алмасу платформасы болады. KIOSH 2025 аясында еңбек қорғау саласында жаңа стандарттар мен озық практикаларды енгізуге, мамандардың біліктілігін арттыруға, өндірістік процестерді цифрландыруға, өнеркәсіп медицинасына және қауіпсіздікті автоматтандыруға арналған бірқатар стратегиялық және панельдік сессиялар өтеді.
Конференцияның расталған спикерлері арасында Қазақстан Республикасының еңбек және халықты әлеуметтік қорғау министрі, Еңбек қауіпсіздігі және еңбекті қорғау саласындағы кәсіби ұйымдардың халықаралық желісінің Президенті (INSPHO); IOSH және Royal Society for the Prevention of Accidents (RoSPA) басшылар құрамы; Норильский Никель компаниясының экология және өнеркәсіп қауіпсіздігі жөніндегі вице-президенті; Қазақстандағы Eni компаниясының басшысы. Спикерлердің баяндамалары қатысушыларға еңбекті қорғау саласында құнды білім мен үздік әлемдік тәжірибелер алуға мүмкіндік беретін іскерлік бағдарламаның негізгі сәттері болады.
Конференцияның іскерлік бағдарламасы өзекті мәселелердің кең ауқымын қамтиды. Жетекші сарапшылар Қазақстан мен әлемдегі лайықты еңбекке қол жеткізу жолындағы жаһандық сын-тегеуріндер мен шешімдерді талқылайды. Бағдарлама аясында қауіпсіз еңбек тұжырымдамасы мен қоғамның қауіпсіздік мәдениетін қалыптастыру тұжырымдамасының іске асырылуы, сондай-ақ «Еңбекті қорғау жөніндегі ұлттық шолу және еңбек қауіптері картасының мүмкіндіктері» таныстырылады.
Конференция барысында Орталық Азия елдерінің еңбек қауіпсіздігі жөніндегі министрлерінің съезі өтеді, онда жұмыс орындарында қауіпсіздікті қамтамасыз етуге бағытталған халықаралық бастамалар мен стратегиялар қарастырылады. Негізгі іс-шаралардың бірі IOSH серіктестігімен ұйымдастырылатын сараптамалық сессия болмақ. Ал қатысушылардың интерактивтілігін және белсенділігін арттыру мақсатында бағдарламаға еңбек қауіпсіздігі саласындағы нақты жағдайларды модельдейтін Safety Games – бизнес-ойындары енгізілген.
ҚР «Атамекен» ҰКП және Техногендік қауіпсіздік саласындағы кәсіби қызметтердің ұлттық нарығын қалыптастыру кеңесімен серіктестікте саланы реттеу және дамыту мәселелеріне арналған арнайы сессия өтеді. Сондай-ақ, конференцияның маңызды бөлігі жетекші өнеркәсіптік кәсіпорындармен серіктестікте ұйымдастырылатын воркшоп секциясының іске қосылуы болмақ, онда мамандар практикалық кейстерді зерттеп, озық тәжірибемен алмасу мүмкіндігіне ие болады.
KIOSH іс-шарасы еңбек қорғау және өнеркәсіптік қауіпсіздік бұл тек корпоративтік мәдениеттің міндетті элементтері ғана емес, сонымен қатар бизнестің және мемлекеттің тұрақты дамуының негізгі факторлары екенін атап көрсетеді. Бұған Қазақстан Республикасы Еңбек және халықты әлеуметтік қорғау министрлігі мен Еңбекті қорғау жөніндегі республикалық ғылыми-зерттеу институты (ЕҚРҒЗИ) тұрақты қолдауы дәлел. Сонымен қатар, жыл сайын тау-кен металлургиясы және мұнай-газ секторының ірі компаниялары KIOSH іс-шарасына қолдау көрсетіп келеді. Бұл еңбек қауіпсіздігі мен өнеркәсіптік қауіпсіздік бизнестің де, мемлекеттің де тұрақты дамуының ажырамас бөлігі ретінде қарастырылатынын айғақтайды.
Жобаның мемлекеттік серіктесі – Қазақстан Республикасы Еңбек және халықты әлеуметтік қорғау министрлігі.
Іс-шараға Қазақстан Республикасы Төтенше жағдайлар министрлігінің Өнеркәсіптік қауіпсіздік комитеті, Атамекен ҰКП, Тау-кен өндіруші және тау-кен металлургия кәсіпорындарының республикалық қауымдастығы (ТМКҚ), Kazenergy "қазақстандық мұнай-газ және энергетика кешені ұйымдарының Қауымдастығы "заңды тұлғалар бірлестігі «KAZENERGY» Қазақстан мұнай-газ және энергетика кешені ұйымдарының қауымдастығы» заңды тұлғалар бірлестігі, ЖҚҚ қауымдастығы, ҚР Еңбек және халықты әлеуметтік қорғау министрлігінің Еңбекті қорғау жөніндегі республикалық ғылыми-зерттеу институты» ШЖҚ РМК, IOSH, ORP, NEBOSH, Csse, Қазақстан Республикасы Кәсіподақтар федерациясы, «QazTextileIndustry» жеңіл өнеркәсіп кәсіпорындарының Ұлттық бірлестігі» заңды тұлғалар және жеке кәсіпкерлер одағы, Қауіпсіз жүргізу қауымдастығы және petro mining ресми қолдау көрсетті.
Іс-шараны Қазақстандық Iteca көрме компаниясы және оның халықаралық серіктесі – ICA Events компаниялар тобы ұйымдастырады.
