KIOSH 2023 САРАПШЫЛАРЫ ЕҢБЕКТІ ҚОРҒАУ МЕН ӨНЕРКӘСІПТІК ҚАУІПСІЗДІКТІ ОДАН ӘРІ ДАМЫТУ ВЕКТОРЫН ТАЛҚЫЛАЙДЫ

24-26 МАМЫР АРАЛЫҒЫНДА ЕЛОРДАЛЫҚ «EXPO» ХКО-ДА KIOSH 2023 - ЕҢБЕКТІ ҚОРҒАУ ЖӘНЕ ӨНЕРКӘСІПТІК ҚАУІПСІЗДІК ЖӨНІНДЕГІ 11 – ШІ ҚАЗАҚСТАНДЫҚ ХАЛЫҚАРАЛЫҚ КОНФЕРЕНЦИЯСЫ МЕН КӨРМЕСІ ӨТЕДІ.

KIOSH-тың 2023 жылғы негізгі тақырыбы еңбек қауіпсіздігі және өнеркәсіптік қауіпсіздік саласындағы алдын алу саясатының тәуекелге бағытталған аспектісіне бағытталған. Еңбек қауіпсіздігі мәдениеті кез келген ұйымда маңызды құрамдас болып табылады, KIOSH экспо-алаңы аудиторияға ЕҚжЕҚ саласындағы соңғы жетістіктерді, сондай-ақ ұйымдар мен өндірістегі еңбек қауіпсіздігі мәдениетін оқыту мен дамытудың әдістері мен құралдарын таныстырады.

Естеріңізге сала кетейік, Қауіпсіз еңбек жағдайларын жасау және өндірістік жарақаттануды азайту Үкімет пен Еңбек және халықты әлеуметтік қорғау министрлігінің негізгі міндеттерінің бірі болып табылады. Соңғы бес жылда еңбекті қорғау саласында мемлекеттік органдар мен жұмыс берушілер қабылдаған кешенді шаралар өндірістік жарақаттану деңгейін 6,5% - ға төмендетуге мүмкіндік берді.

Бұзушылықтардың алдын алу және болдырмау мақсатында еліміздің 2 800 кәсіпорны еңбек қауіпсіздігі және еңбекті қорғау стандарттарын енгізді. Сондай-ақ, Қазақстан Кәсіподақтар федерациясымен бірлесіп «Халықтық бақылау» әлеуметтік маңызды жобасы енгізілуде, ол мүгедектігі бар адамдарды «Халық бақылаушылары» ретінде тартуды көздейді (600-ден астам қызметкер ішкі бақылауды жүзеге асыратын Республиканың 240 кәсіпорны). 2019 жылдан бастап Министрлік «Нөлдік жарақат – Vision Zero» тұжырымдамасын ілгерілету бойынша белсенді жұмыс жүргізуде (қазірдің өзінде 332 кәсіпорын қосылды). Бұдан басқа, «Онлайн еңбек консультанты» электрондық сервисі іске қосылды, ол жұмыс берушінің еңбекті қорғау талаптарының сақталуын өзін-өзі тексеруден өтуін көздейді (сервис іске қосылған сәттен бастап оны 13 854 жұмыс беруші пайдаланды).

KIOSH Конференциясы мен Көрмесін өткізудің басты мақсаты әлі де ЖҚҚ саласындағы жаңалықтарды, ЕҚ және ӨҚ бойынша жабдықтар мен инновациялық шешімдерді көрсету, әлемнің түкпір-түкпірінен салалық сарапшылармен тиімді тәжірибе алмасу арқылы еңбекті қорғау қауіпсіздігі мәдениетін насихаттау және жұмыс орындарында жұмысшылардың өмірі мен денсаулығын сақтау болып табылады.

Дәстүрлі түрде KIOSH жобасы Қазақстан, Қытай, Пәкістан, Ресей және Өзбекстаннан 45-тен астам компанияны біріктіретін көрмемен ұсынылады. Тұңғыш рет стендпен экспонент-дебютанттар ретінде Industrial and Operational Support Services, IOSS,  ZhaikCaspian Group, XM Textiles Kz, Высота-М, Даймонд Казахстан, Завод Фильтр, МирЛайт және т.б. қатысады. Мамандардың кәсіби шеберлігін дамыту мақсатында көрмеге қатысушылар мен шақырылған сарапшылар бірқатар оқыту семинарлары мен шеберлік сабақтарын өткізеді.

25 және 26 мамырда өтетін KIOSH екі күндік конференциясының контенті еңбекті қорғау және өнеркәсіптік қауіпсіздік мәселелеріндегі негізгі проблемаларды белгілеу, осы бағыттардың әрқайсысы бойынша мәселелер жеке күн шеңберінде талқыланатын болады. Конференцияның айрықша ерекшелігі пікірталас алаңдарының, практикалық кейстердің, демонстрациялық воркшоптардың өсуі бөлігінде жаңартылған формат болады, бұл алаңға барынша тиімділік береді, сондай-ақ пікірталастар мен нетворкинг үшін одан да көп уақыт беріледі.

25 мамыр, Конференция жұмысының бірінші күні толығымен еңбекті қорғау мәселелеріне арналады. Күннің бірінші жартысында профилактикалық бақылауды талқылауға және еңбек қауіпсіздігі мен еңбекті қорғау мәселелерін мониторингілеуде жаңа міндеттерді айқындауға арналған Инспекторлар форумы өтеді. ҚР Денсаулық сақтау министрлігінің, Дүниежүзілік Денсаулық сақтау ұйымының, медициналық және бейінді мекемелердің спикерлері Дөңгелек үстел шеңберінде еңбек медицинасы және жұмыс істейтін халықтың денсаулығын қорғау мәселелеріндегі практикалық тәсілдерді, профилактикалық медицина және еңбек гигиенасы мәселелерін қарайды. Конференцияның бірінші күніндегі бағдарламаның контентіне «Қызметкерлерді әлеуметтік қорғау аспектісіндегі еңбекті қорғау» Дөңгелек үстелі, b2b бизнес-кездесу кіреді, онда отандық компаниялар еңбек қауіпсіздігі мәдениетін дамытудың корпоративтік тәжірибесінің үздік тәжірибелерімен бөліседі. Екі форсайт-сессияның спикерлері аудиториямен өздерінің кәсіби құзыреттіліктерін дамыту модельдерімен және кәсіби тәуекелдерді бағалау тәсілдерімен бөліседі. Стратегиялық сессия барысында спикерлер әлеуметтік-еңбек саласындағы заңнамадағы өзгерістерді толығырақ талқылайды, Қазақстанның еңбек қауіпсіздігі тұжырымдамасын қарайды, елдегі және әлемдегі еңбекті қорғау саласындағы одан әрі даму мен негізгі үрдістерді болжайды. Сессияға ҚР Еңбек және әлеуметтік қорғау министрлігінің, Халықаралық Әлеуметтік қамсыздандыру қауымдастығының, ҚР Кәсіподақтар Федерациясының, Еңбек қауіпсіздігі және еңбекті қорғау институтының (IOSH), мұнай-газ және ТМК салаларындағы серіктес компаниялардың өкілдері қатысады.

Конференцияның бірінші күнінің жұмысын стратегиялық сессия аяқтайды, «Еңбекті қорғауды цифрландыру қазіргі заманғы шындыққа сын-қатер» тақырыбы бойынша талқылау болады.

KIOSH конференциясының екінші күні, 26 мамыр, ҚР Төтенше жағдайлар министрлігінің Өнеркәсіптік қауіпсіздік комитетінің қолдауымен өтетін өнеркәсіптік қауіпсіздік, стратегиялық және панельдік сессиялар, воркшоптар және индустриялық блок мәселелерін қарастырады. «ҚР-да өнеркәсіптік қауіпсіздікті қамтамасыз ету» сессиясының спикерлері ҚР ТЖМ, тау-кен металлургия кәсіпорындарының бірлестігі, KAZENERGY қауымдастықтарының, ҚР авариялық-құтқару қызметтерінің және т.б. өкілдері болады.

Кәсіпқойлар цифрлық өнеркәсіптік қауіпсіздік туралы жаңа ESG тренді ретінде, цифрлық трансформацияны елімізде қолдану туралы, цифрландыруға арналған панельдік сессия аясында цифрландыруды қолдану арқылы өнеркәсіптік қауіпсіздікті дамыту туралы айтады.

Ірі энергетикалық, тау-кен, мұнай сервисі және мұнай-газ компаниялары қатарындағы спикерлер панельдік сессияға қатысу кезінде авто және арнайы техниканың корпоративтік парктерін пайдалану кезіндегі оқиғалар тәуекелдерін азайту бойынша өз тәжірибелерімен бөліседі. Сондай-ақ, сала мамандары үшін өрт қауіпсіздігі бойынша воркшоп өтеді.

Конференция көмір шахталары мен мұнай өңдеу және мұнай-химия объектілеріндегі өнеркәсіптік қауіпсіздік мәселелерін талқылауға арналған өнеркәсіптік блокпен аяқталады.

Жыл сайын KIOSH ҚР Еңбек және халықты әлеуметтік қорғау министрлігінің мемлекеттік қолдауымен өткізіледі. Ресми қолдау ретінде: ҚР ТЖМ Өнеркәсіптік қауіпсіздік комитеті, ҚР Кәсіподақтар федерациясы, «Атамекен» ҚР Ұлттық Кәсіпкерлер палатасы, «ҚР Еңбек және халықты әлеуметтік қорғау министрлігінің Еңбекті қорғау жөніндегі республикалық ғылыми-зерттеу институты» ШЖҚ РМК, «Тау-кен өндіру және тау-кен металлургия кәсіпорындарының Республикалық Қауымдастығы» ЗТБ (ТМКҚ), «KAZENERGY» Қазақстан мұнай-газ және энергетика кешені ұйымдарының қауымдастығы» ЗТБ, РФ «ЖҚҚ» қауымдастығы, IOSH өнеркәсіптік қауіпсіздік және еңбекті қорғау институты (Ұлыбритания), Қазақстан Республикасы мен Орталық Азия құрылысшылар одағы, «Qaz Textile Industry» жеңіл өнеркәсіп кәсіпорындарының Ұлттық бірлестігі»  заңды тұлғалар және жеке кәсіпкерлер одағы өзін-өзі реттейтін ұйым, Қауіпсіз жүргізу қауымдастығы, OSHA, Pakistan Safety Council.

Алтын серіктестер: «KAZZINC» ЖШС, «АрселорМиттал Теміртау» АҚ, JMJ ASSOCIATES LTD  Қазақстандық филиалы.

Күміс серіктестер – Теңізшевройл және KAZ Minerals және Каспий құбыр консорциумы – К.

Шараны Iteca Қазақстандық көрме компаниясы мен оның халықаралық серіктесі - ICA Events компаниялар тобы ұйымдастырады.

Іс-шара туралы толығырақ ақпаратты – қатысушылардың тізімі мен Көрме мен Конференцияның іскерлік бағдарламасының кестесін www.kiosh.kz ресми сайтынан білуге ​​болады.