РЕАЛИСТИКАЛЫҚ ФИЗИКАСЫ ЖӘНЕ ОПЕРАТОР ӘРЕКЕТТЕРІН БАҒАЛАУ ЖҮЙЕСІ БАР АВТОКРАННЫҢ КӘСІБИ СИМУЛЯТОРЛАРЫ
APPLE SAFETY құрылыс, өнеркәсіп және басқа да секторлар үшін автокрандар, экскаваторлар, мұнаралы крандар, манипуляторлар, жүк тиегіштер, тау-кен техникасы және өзге де арнайы техникалардың кәсіби симуляторларын әзірлейді. Қазіргі уақытта жобаның негізгі бағыты — автокран симуляторын жетілдіру болып табылады.
Шешім кабинаның физикалық тренажерін цифрлық ортамен ұштастырады, онда кранның нақты пайдалану жағдайларына барынша жақындатылған мінез-құлық моделі іске асырылған. Басқару нақты техниканың эргономикасын қайталайтын түпнұсқалық басқару элементтері — джойстиктер, батырмалы панельдер мен дисплейлер арқылы жүзеге асырылады.
Әзірлеу тәсілі ауыр техника симуляторлары саласындағы жетекші халықаралық шешімдердің тәжірибесіне негізделген.
APPLE SAFETY жоба аясында осы факторларды жергілікті пайдалану жағдайларына және ТМД нарығының талаптарына бейімдеуге баса назар аударады.
Бағдарламалық оқыту ортасы әзірлеменің негізгі элементі болып табылады. Симуляторда базалық операциялардан бастап, жүкке артық салмақ түсу, дұрыс ілмелемеу (строповка) және тұрақтылықты жоғалту секілді авариялық жағдайларды қамтитын түрлі күрделіліктегі сценарийлер іске асырылады. Бұл нақты техникада қауіпсіз машықтану мүмкін емес дағдыларды қалыптастыруға мүмкіндік береді.
Қосымша оператордың іс-әрекетін талдау жүйесі енгізілуде. Ол басқару параметрлерін, әрекеттердің ретін және қателерді тіркеп, дайындық деңгейіне объективті баға береді. Мұндай тәсіл симуляторды тек оқыту құралы ретінде ғана емес, сонымен қатар біліктілікті бақылау жүйесі ретінде де пайдалануға мүмкіндік береді.
Әзірлеме оқу орталықтарында, құрылыс компанияларында және меншікті арнайы техника паркі бар кәсіпорындарда қолдануға арналған. Симуляторларды пайдалану оқыту шығындарын азайтуға, жабдықтардың тозуын төмендетуге және өнеркәсіптік қауіпсіздік деңгейін арттыруға мүмкіндік береді.
Қазіргі уақытта жоба белсенді іске асыру сатысында. Симулятордың прототипін KIOSH 2026 көрмесін қоса алғанда, салалық іс-шаралар аясында кәсіби қауымдастыққа таныстыру жоспарлануда.
