«ПО «ГЛОБАЛ-СПЕЦОДЕЖДА» ЖШС
«ПО «Глобал-Спецодежда» ЖШС компаниясы осыдан 24 жыл бұрын құрылған, бүгінде бұл әлеуметтік бағыттағы кәсіпорын және Батыс өңіріндегі мамандандырылған киім тігетін ірі фабрикалардың бірі.
Компанияның негізгі мақсаты – жоғары сапалы және экологиялық таза мамандандырылған киімдердің қауіпсіздігі мен өндірісін тиімді қамтамасыз ету.
Компания мұнай-химия, металлургия, тау-кен өнеркәсібі, электр энергетикасы, құрылыс, қауіпсіздік құрылымы сияқты әртүрлі салаларда мамандандырылған үлгілерді әзірлейді және шығарады. Кәсіпорын сонымен қатар медициналық киімдер, тазалық компанияларының персоналға қызмет көрсету секторына арналған киімдер, сұлулық салондарына арналған киімдер, мейрамхана кешеніне арналған киімдер мен кеңсе киімдерін шығарады.
Зауыт 600 жұмыс орнына арналып есептелген. Өндірілетін өнімнің мүмкіндігі мен қуаты жылына 1,2 млн дана.
Компания үшін басымдықтардың бірі – жоғары корпоративтік мәдениет пен әлеуметтік жауапкершілікті сақтау. Бүгінгі таңда «ПО Глобал-Спецодежда» ЖШС қызметкерлерінің жалпы саны 200-ге жуық адамды құрайды, олардың көпшілігі – мүмкіндігі шектеулі жандар, халықтың әлеуметтік осал топтарындағы әйелдер, көп балалы аналар.
Барлық қызметкерлерде кепілдендірілген әлеуметтік пакет бар: тамақ, сақтандыру, жалақыға қосымша, қызметкерлердің мектеп жасына дейінгі балаларына тұрақты көмек, қызметкерлерге кеңселік массаж қызметтері және компания ішінде үнемі білім алу мүмкіндігі. Кәсіпорынның басты артықшылықтарының бірі – өзінің «Надежда» оқу-өндірістік кешені. Жұмыссыз азаматтар мен мүмкіндігі шектеулі азаматтарды оқыту жүргізіледі. Бүгінгі таңда 11 топ бітірді, бұл 300-ден астам түлек, олардың 80 пайызы тігін өндірісінде жұмысқа орналасқан.
Сонымен қатар, кәсіпорын әлеуметтік бағытта белсенді дамып келеді және тұрақты негізде жетім балаларға, жалғызілікті қарттарға, соғыс және еңбек ардагерлеріне арналған қайырымдылық іс-шаралары мен акцияларын өткізеді:
- Кадрларды даярлау саласында жаңа оқу бағдарламаларын жасау. Ақтөбе сервис колледжімен және Есту қабілеті бұзылған балаларға арналған колледжімен бірлесіп тәлімгерлік элементтері бар дуальды оқытуды жүзеге асырады. Кәсіпорында тәжірибеден өтуге мүмкіндік береді. Бүгінгі таңда 380 студент өндірістік тәжірибеден өтіп, оның 60 пайызы жұмысқа орналасқан.
- Ақтөбе қаласындағы «Мейірім» жастарды бейімдеу әлеуметтік орталығында «Глобал-Спецодежда» бастамасы бойынша оқу орталығын іске қосу, онда Орталық тәрбиеленушілерін тігін ісіне оқыту тегін жүргізіледі және «Глобал» тігін өндірісінде жұмысқа орналастырылады.
- «ПО Глобал-Спецодежда» ЖШС базасында кәсіпкерлікті ашу және жүргізуге арналған жеңілдік бағдарламалары ұсынатын мүмкіндіктер туралы халықты ақпараттандыру мақсатында көп балалы аналарға, жалғыз басты аналарға, халықтың әлеуметтік осал топтарындағы әйелдерге арналған «Адами капитал – жаңғыртудың негізі», «Жеке өсу және мансап күні» және т.б. тақырыптарында тренингтер, шеберлік сыныптары өткізіледі.
