«УЗЧАРМСАНОАТ» ҚАУЫМДАСТЫҒЫ
БІЗ ТУРАЛЫ
Біздің Қауымдастық мал союмен, былғары шикізатын өңдеумен, аяқ киім, былғары галантереясын, құрамдастар мен фурнитураларды, аяқ-киім мен былғары өнеркәсібіне және басқа да өнімдерге арналған химия шығарумен айналысатын Өзбекстанның 700 астам кәсіпорнын біріктіреді. Қауымдастық өз кәсіпорындары мен былғары-аяқ киім саласында өз бизнесін дамытқысы келетін кәсіпкерлерге сұраныс, шикізат және өндірістік әлеуетпен байланысты бизнес-идеяны дамытуға көмектеседі.
ҚАУЫМДАСТЫҚТЫҢ НЕГІЗГІ МАҚСАТТАРЫ МЕН МІНДЕТТЕРІ
- салаішілік ынтымақтастықты дамыту, яғни өнеркәсіптің әртүрлі буындарын бір-бірімен байланыстыру;
- былғары-аяқ киім, үлпек-ұлпан, қаракөл өнімдері мен жүннен жасалған бұйымдар сегменттерінде ішкі және сыртқы нарықтарға жүйелі негізде маркетингтік зерттеулер жүргізу;
- салалардың экспорттық әлеуетін кеңейтуге, модельдеу және брендтеу бойынша жаңа инновациялық әзірлемелерді, сондай-ақ озық ақпараттық технологиялар мен басқарудың автоматтандырылған жүйелерін пайдалана отырып, шикізатты қайта өңдеудің және дайын өнімді өндірудің заманауи әдістерін кеңінен енгізуге қолдау көрсету;
- жаңа инвестициялық жобаларды әзірлеуге және іске асыруға ықпал ету;
- ғылым, білім және өндірісті біріктіруге көмектесу.
- мемлекет алдында бизнестің мүдделерін көрсету;
- экспорт географиясын арттыруға көмектесу.
БІЗДІҢ СЕРІКТЕСТЕР
Біз былғары өңдеушілердің Халықаралық Кеңесімен, Халықаралық тері федерациясымен, Түркия, Италия, Ресей сияқты бірқатар елдердің ұлттық қауымдастықтарымен және былғары өңдеушілер кеңестерімен, саланың бүкіл әлем бойынша жетекші көрмелерімен ынтымақтастық жүргіземіз.
БІЗДІҢ ЖЕТІСТІКТЕРІМІЗ
2023 жылы Өзбекстан кәсіпорындары жалпы сомасы 1 млрд доллардан асатын 246,4 млн жұп аяқ киім, 2, 472 млн шаршы дм. былғары және 153,7 млрд сом былғары галантерея өнімдерін өндірді. Бүгінгі таңда «Өзбекстанда жасалған» белгісі бар былғары-аяқ киім өнімдері әлемнің 45 астам еліне, соның ішінде Қазақстан, Түркия, Ресей, Португалия, Қытай, БАӘ, АҚШ, Бразилия және т.б. елдерге жеткізіледі.
